दादुरा र रुबेला विरुद्धको खोप सम्बन्धी सूचना

​हाल जापानभरि दादुरा संक्रमितको संख्या बढिरहेको छ।दादुराबाट बच्ने सबैभन्दा प्रभावकारी उपाय दुई पटक खोप लगाउनु हो।कृपया आफ्नो आमा–शिशु स्वास्थ्य पुस्तिका मा खोप लगाएको विवरण जाँच गर्नुहोस्। यदि दुई पटक खोप लगाइएको छैन भने, कृपया खोप लगाउनेबारे विचार गर्नुहोस्।

यदि विदेश यात्रा गरेर फर्किएपछि ज्वरो, शरीरमा रातो दाना जस्ता दादुराको शंका लाग्ने लक्षण देखिएमा, अस्पतालमा जानुअघि अनिवार्य रूपमा सम्बन्धित स्वास्थ्य संस्थामा फोन गर्नुहोस् र त्यहाँबाट प्राप्त निर्देशनअनुसार मात्रै उपचारका लागि जानुहोस्।स्वास्थ्य संस्थामा जाँदा सकेसम्म बस, रेलजस्ता सार्वजनिक यातायातको प्रयोग नगर्नुहोस्।

बालबालिकाको दादुरा–रुबेला खोप

ताकासाकी सहरले निम्न बालबालिकाका लागि दादुरा–रुबेला संयुक्त खोप निःशुल्क उपलब्ध गराउँदै आएको छ। १ वर्ष पुगेका बालबालिका अर्को वर्ष प्राथमिक विद्यालयमा भर्ना हुने बालबालिका खोप लगाउन सकिने स्वास्थ्य संस्थाहरूको सूची अप्रिल महिनामा पठाइएको स्वास्थ्य जाँच फाराम सँगै पठाइएको सूचना वा ताकासाकी सहरको वेबसाइट मा हेर्न सकिन्छ। यदि ताकासाकी सहर बाहिरको स्वास्थ्य संस्थामा खोप लगाउन चाहनुहुन्छ भने, कृपया पहिले नै सम्बन्धित कार्यालयमा सम्पर्क गर्नुहोस्।

दादुरा–रुबेला (MR) खोपको विशेष व्यवस्था

खोपको आपूर्ति पर्याप्त नभएका कारण निर्धारित समयमा खोप लगाउन नपाएका व्यक्तिहरूले ३१ मार्च २०२७ सम्म निःशुल्क खोप लगाउन सक्नेछन्।यस विशेष व्यवस्थाका लागि योग्य व्यक्तिहरू

• २ अप्रिल २०२२ देखि १ अप्रिल २०२३ बीच जन्मिएका बालबालिका
• २ अप्रिल २०१८ देखि १ अप्रिल २०१९ बीच जन्मिएका बालबालिका

सम्पर्क

स्वास्थ्य तथा रोग रोकथाम विभाग 
फोन: ०२७-३८१-६११२